92. MARUGAME PLAZA / PLAZA DE MARUGAME

Auzoa: Ibaeta

 

 

Marugame plaza Berio pasealekuren parean kokatzen da. Jose Artetxe Idazlearen kaleak eta Loistarain kaleak mugatzen dute plaza hau.

Marugame Japoniako Kagawa prefekturan dagoen 110.000 biztanleko hiri turistiko bat da. 1990ko azarotik Donostiarekin senidetua dago. Gaztelua da erakargarri turistiko garrantzitsuenetakoa eta Marugamen ere MIMOCA arte garaikideko museoa dago.

 

Marugameko gaztelua. Argazkia: Wikimedia Commons

https://commons.wikimedia.org/wiki/File:Marugame_Castle,_Tenshu_001.jpg

MIMOCA arte garaikideko museoa. Argazkia: Wikipedia

https://ja.wikipedia.org/wiki/%E3%83%95%E3%82%A1%E3%82%A4%E3%83%AB:MIMOCA03s3872.jpg

 

Marugame plazaren izendapena 1992ko irailaren 21ean onartu zen.

 

 

91. TXURKOENE KALEA / CALLE DE TXURKOENE

Auzoa: Egia

 

Txurkoene kalea Gabriel Aresti pasealekuan hasten da eta Tolaregoia kalean amaitzen da.

 

 

1865tik ezaguna den Txurkoene baserriak (Tturkoene eta Txurkuene bezela ere deitua) ematen dio izena kaleari. XX. mende amaiera arte jatorrizko egitura mantendu zuen baina baserria eraberri zutenean, eraitsi eta etxe berri bat egin zuten.

 

Txurkoene baserria 1997an. Argazkia: Gordegia

https://gordegia.eus/argazkia/grd548-011/

 

Txurkoene baserria gaur egun.

 

Txurkoene kalearen izendapena 1992ko irailaren 21ean onartu zen.

 

90. ETXAGUE JENERALAREN KALEA / CALLE DEL GENERAL ETXAGUE

Auzoa: Erdialdea

 

Etxague Jeneralaren kalea Aldamar kalean hasten da eta Salamanca pasealekuan bukatzen da, Erregina Erregeordearen kalearen eta Euskal Herria kalearen artean dago.

 

Rafael Etxague Bermingham Donostian jaio zen 1815eko otsailaren 13an familia aberats batean. Lehen karlistaldian Txapelgorrien batailoian Isabel II.aren alde borrokatu zuen. 1854ko altxamenduan parte hartzeagatik Eremuko Mariskal izendatu zuten. Diputatu izan zen 1854 eta 1858an.

Rafael Etxague. Irudia: Wikimedia Commons

https://commons.m.wikimedia.org/wiki/File:CARTE_DE_VISITE_DEL_GENERAL_ECHAG%C3%9CE_(COLECCI%C3%93N_ROMERO_ORTIZ).jpg#mw-jump-to-license

1860an Puerto Ricora joan zen gobernadore eta kapitain jeneral gisa eta 1862an, kargu berarekin, Filipinetara 1865 arte. 1871an Amadeo I.ak Serralloko konde izendatu zuen. Senatari izan zen eta 1877an bizitza osoko senatari izendatu zuten. Madrilen hil zen 1887ko azaroaren 23an.

Rafael Etxague Irudia: Wikimedia Commons

https://commons.m.wikimedia.org/wiki/File:Rafael_Echag%C3%BCe_y_Bermingham.jpg#mw-jump-to-license

 

Etxague Jeneralaren kalearen izendapena bere heriotzaren egunean, 1887ko azaroaren 23an, onartu zen.

 

 

89. BELARTZA KALEA / CALLE DE BELARTZA

Auzoa: Añorga

 

 

Belartza kalea izen bereko industrialdeko Gurutzegi, Errekatxulo eta Fernando Mugica kaleak elkartzen diren biribilgunean hasten da eta Errotazar bidean amaitzen da.

Berraraza edo Berarratza oinetxea XII. mendetik ezaguna zen. Belartzako lurrek gaur egungo Errekaldetik Bidarte gaineraino hartzen zuten. Gain horretan badago Berarratza Goiko baserria, eta poligonotik gertu Belartza Erdikoa. Belartza izeneko beste baserri asko iada desagertu ziren.

Berarratza Goiko baserria

Belartza Erdiko baserria

Belartza kalearen izendapena 2000ko otsailaren 7an onartu zen.

88. ZUMARDI PASEALEKUA / PASEO DE LOS OLMOS

Auzoa: Mirakruz-Bidebieta

 

Zumardi pasealekua Gaiztarro bezala ezagutzen den auzunean dago. Zedroaren plazarekin batera auzunea osatzen du, Jose Elosegi alkatearen hiribidearen ondoan. Pasai San Pedro hiribidean bukatzen da.

Bertako zumarrek ematen diote izena pasealekuari. Zedroaren plazari buruz hitz egin genuenean aipatu genuen lursail hau Bidebieta jauregiaren parte zela eta nola burutu zen urbanizazioa. Pasealekuaren 4A eta 4B zenbakian jauregiaren arkitektura gogora dakarren etxetxo bat dago.

Zumarra ipar hemisferioan oso hedatua dagoen Ulmus generoko hosto-erorkorreko zuhaitza da. XIX. mendetik aurrera kale eta parkeetan landatu izan dira, zumardi izeneko pasealeku ugari daudelarik. Grafiosi izeneko gaixotasun batek zumar kopurua asko murriztu du azken mendean.

Zumarra Ingalaterran. Argazkia: Wikipedia

https://eu.wikipedia.org/wiki/Fitxategi:East_Coker_elm,_2.jpg

Zumardi pasealekuaren izendapena 1973ko abuztuaren 31an onartu zen.