Auzoa: Erdialdea
Urdaneta kalea Artzain Onaren katedralaren atzean dago. Gernikako Arbolaren pasealekuan hasten da eta Easo kalean bukatzen da, Joseba Elosegi begiratokiaren parean.
Andres Urdaneta Zerain Ordizian jaio zen 1508an. 1525an García Jofre de Loaisaren espedizioan joan zen Moluketara. Han Portugaldarrek espedizioa erasotu zuten. 1536an Iritsi ziren Lisboara eta 1537an Urdanetak espedizioaren memoria entregatu zion Karlos I.a Espainiako erregeari.
XIX. Mendean Víctor Millánek egindako Andres Urdanetaren erretratua. Irudia: Wikimedia Commons
1553an Mexikoko Agustindarren komentuan sartu zen. Felipe II.ak Moluketara joan eta Mexikorako itzulbidea aurkitzeko enkargua eman zion Urdanetari eta hala lortu zuen 1565an Filipinetatik Acapulcorako bidea lau hilabetetan burutuz. Urdaneta 1568ko ekainaren 3an hil zen Mexikon.
Urdanetak aurkitutako itzulbidea. Irudia: Wikipedia
Urdaneta kalearen izendapena 1891ko azaroaren 16an onartu zen.
iruzkinik ez:
Argitaratu iruzkina