Auzoa: Mirakruz-Bidebieta
Julio Urkixo pasealekua Joan XXIII.aren pasealekuan hasten da. U formako ibilbidea egiten du berriro Joan XXIII.aren pasealekura bueltatuz eta Serapio Mujika pasealekuaren amaierarekin bat eginez.
Julio Urkixo Ibarra Deustun jaio zen 1871ko apirilaren 3an familia aristokratiko batean. Zuzenbidea ikasi zuen Deustuko unibertsitatean, 1892an Salamancan doktoretza lortuz. Euskara ikasi eta euskaltzale bihurtu zen. Eusko Ikaskuntzaren RIEV aldizkaria sortu zuen.
Julio Urkixo. Argazkia: Kutxateka https://kutxateka.eus/index.php/Detail/objects/3846/s/48
Elkarte Tradizionalista alderdi karlistaren kide, gorteetako diputatu izan zen 1903an eta 1931an. Gerra zibila hastean Donostiatik ihes egin zuen, Gipuzkoako Foru aldundiak bere 14.000 aleko liburutegia babestea lortuta. 1950ko urriaren 30ean hil zen Donostian.
Julio Urkixoren liburu baten ex-librisa. Irudia: Wikimedia Commons
1973ko abuztuaren 31ean Julio de Urquijo pasealekuaren izendapena onartu zen. 2014ko urriaren 30eko udalbatzarrean pasealekuaren izena Julio Urkixo bezala berrizendatzea onartu zen.
iruzkinik ez:
Argitaratu iruzkina