Auzoak: Erdialdea, Aiete
Aldapeta galtzada Easo kalean hasten da, San Bartolome kalearen ondoan.
Aiete pasealekuan bukatzen da.
Aurretik ikusi genuen (15. GOIKO GALTZADA BERRIA) Hernanitik Donostiarainoko bidea aintzinean Aietetik egiten zela, bidea eta auzoa "Goiko Galtzara" deitzen zelarik. Goiko Galtzara Donostiako harresiz kanpoko San Martin auzora jeisten zen aldapa da aspalditik Aldapeta izenarekin ezagutzen dena.
Donostiako 1870 baino lehenago ikuspegia Aldapetako gainetik. Aurrean Beloka jauregia, ezkerrean San Martin auzoa, Sebastopol baserria bertan dela eta atzean San Martingo hilerria.
Argazkia: Kutxateka. https://www.kutxateka.eus/Detail/objects/47342/s/120
Izena aintzinatik ezaguna bazen ere, Aldapeta galtzadaren izendapen ofiziala 2014ko urriak 30eko udalbatzarrean egin zen, hainbat kale izen euskaratzeko prozesua burutzearekin batera.
iruzkinik ez:
Argitaratu iruzkina