Auzoa: Amara Berri
Gregorio Ordoñez kaletik Zorroaga pasealekura doan kalea da, Amaiur parkearen ondoan.
Donostian izan ziren ontziolen omenez izendatu zen kalea. Erdi Arotik aurrera Donostiako ontziolek ospe handia izan zuten, beren garrantzia mendeetan zehar galduz. Ontziola batzuk kontxako badian, gaur egun udaletxea dagoen tokian zeuden, Hoefnagelen XVI mendeko irudi honetan ikusten den bezala.
Irudia: San Telmo Museoa
Santa Katalina auzoan ere bazeuden ontziola garrantzitsuak. Bertan 1615an galeoi bat uretaratu zuten eta Felipe IIIa, Donostian bisitan zelarik bere alaba Frantziara ezkontzera zeramanean, galeoiari Santa Ana izena jartzea agindu zuen.
Santa Katalina auzoa. Irudia: José Javier Pi Chevrot
1962ko maiatzaren 21an onartu zen kale izen hau eta 1993ko ekainaren 15ean berretsi zen.
iruzkinik ez:
Argitaratu iruzkina