113. ADARRA PLAZA / PLAZA DE ADARRA

Auzoa: Antiguo

 

Adarra plaza Juan Garai kaletik sarbidea duen jabetza pribatuko plaza bat da. Bertan aparkaleku itxiak daude eta plazak ez dauka erabilera publikorik.

Adarra mendiak ematen dio izena plazari. Urnietako udalerrian dagoen 819 metroko mendi hau, Donostialdeko eskualde osotik ikusgarria da. Mendizale askok igotzen dute Adarra mendia, Urte Berri egunean gailurrera igotzeko ohitura dago inguruko mendizaleen artean.

Donostiako María Cristina zubia eta atzean Adarra mendia.

Adarra mendia Bortzirietako mendebaldeko azken gailurtzat hartzen da. Bertan, Euskal Herriko mendigune askotan bezala, monumentu megalitiko ugari daude. Etenetako zutarri eta harrespila dira ikusgarrienak.

Etenetako multzo megalitikoa. Argazkia: Wikipedia.

https://eu.wikipedia.org/wiki/Fitxategi:Cromlech_y_menhir_de_Eteneta.JPG

 

 

Udal webgunearen arabera Adarra plazaren izendapena 2014ko urriaren 30ean onartu zen. Javier eta Asier Sadaren "San Sebastián. La historia de la Ciudad a través de sus calles" liburuak, Adarra plazaren izendapena 1971ko uztailak 14an onartu zela dio. Gaur egun plazaren izenaren plaka desagertua dago.

 

 

112. BELIZALDE KALEA / CALLE DE BELIZALDE

Auzoa: Aiete

 

 

Belizalde kalea San Roke kalearen 98-100 zenbakiak dituen etxearen parean hasten da eta Jose Olaizola kalearen 10 zenbakiaren parean amaitzen da.

Belizalde kalearen izena bertan zegoen izen bereko baserriak ematen dio. Ez dut baserriaren informaziorik aurkitu baina 2010 urteko Google Street View begiratuta, kalearen bukaeran baserri bat agertzen da, gaur egungo Jose Olaizola kalean, 2011an jada desagertu zena.

Belizalde kalearen bukaeran 2010ean zegoen baserria. Argazkia:Google Street View

https://www.google.com/maps/@43.3097164,-1.9873037,3a,75y,179.31h,72.7t/data=!3m7!1e1!3m5!1sImWtll9nUEzuNANuDdyRag!2e0!5s20100201T000000!7i13312!8i6656?authuser=0&entry=ttu

 

 

Belizalde kalearen izendapena 1982ko maiatzaren 13an onartu zen.

 

 

111. MATIGOXOTEGI PARKEA / PARQUE DE MATIGOXOTEGI

Auzoa: Intxaurrondo

 

 

Matigoxotegi parkea Sibilia kalearen eta Arbos musikariaren, Fernando Sasiain eta Zubiaurre pasealekuen artean dago, Matigoxoegi futbol-zelaia bertan hartzen duelarik.

 

 

Inguruan izen bereko baserria zegoelako jaso du izena parkeak. XVIII. mendetik ezaguna zen Marticochotegui edo Martincochotegui izenarekin. 1970ko hamarkadan bota zuten. 1980ko hamarkadan futbol zelaia egin eta Matigoxotegi izena jarri zioten.

 

Matigoxotegi parkearen izendapena 2016ko uztailaren 21ean onartu zen. 

 

https://www.donostia.eus/secretaria/AsuntosPleno.nsf/vResolutivaId/D0C6907060592CB7C1257FEF002667A6?OpenDocument&id=C511345&idioma=eus

 

https://www.youtube.com/live/VF9igurecIw?si=Y0k083Iy_FDmWzmQ&t=4468

110. MIRAMON PARKEA / PARQUE DE MIRAMON

Auzoa: Miramon-Zorroaga

 

Miramon parkeak GI-20 errepidearen, Oriamendi pasealekuaren eta Begiristain Doktorearen pasealekuaren artean dagoen zonalde guztia hartzen du. Miramon eta Mikeletegi pasealekuek zeharkatzen dute parkea.

 

 

Miramon pasealekuarekin aipatu genuen bezala, Miramont abizen gaskoia da parkearen izenaren jatorria, eta bertan familia honen Miramon-zar baserria zegoen, gaur egun EITBren egoitza dagoen lurretan.

Miramon-zar baserria. Argazkia: aiete.net http://www.aiete.net/2021/07/los-toros-de-miramon/

 

 

Miramon parkearen izendapena 1996ko otsailaren 19an onartu zen.