Auzoa: Aiete
Biribilgune hau Pagola kalea hasi eta berehala aurkitzen da, Lugaritzeko tren geltokiaren atzean. Tomas Garbizu kalea eta Euskal Herriaren Adiskideen Elkartearen pasealekua biribilgune honetan hasten dira.
Inguruan Sesiotegi izeneko baserri bat omen zegoen. Bertsio batek dio bertako biztanleak astebururo sesioan aritzen zirela. Beste bertsio baten arabera baserri honetan udalbatzak ospatzen omen ziren. Gaur egun Sesiotegiberri etxea dago Tomas Garbizu 4-6 zenbakietan.
2008ko ekainak 27ko udalbatzarrean onartu zen Sesiotegi biribilgunearen izendapena, inguruko beste kale batzuekin batera.
iruzkinik ez:
Argitaratu iruzkina