Auzoa: Erdialdea
Foru pasealekua Askatasunaren Hiribidean hasten da. Urumea ibaiaren ondotik igarotzen da eta San Martin kalean bukatzen da.
Foruak Erdi Aroan lurralde edo herri bateko legeen bilduma ziren. Gipuzkoan gutxienez XIV. mendetik biltzen ziren udalerriak Batzar Nagusietan. Gipuzkoan idatziz ezagutzen diren lehen batzarrak 1397an Getarian elkartu ziren Batzar Nagusiak dira.
Ipar Euskal Herrian 1789ko Frantziako iraultzak foruen desagerpena ekarri zuen. Hegoaldean, 1876an Canovas del Castillok foruen abolizio legea aurrera eraman zuen eta foruen ordez 1878an Probintzia Baskongadoetako Ekonomia Ituna sinatu zen.
Antonio Cánovas del Castillo Irudia: Wikimedia Commons https://commons.wikimedia.org/wiki/File:Canovas2.jpg
1904an Arbide dorreak eraiki zituzten Foru pasealekuan. Ukitu modernistak dituzten estilo neogotikoko dorre hauek eraikuntza enpresa bati saldu zizkioten 1970ko hamarkadan. Aurrezki Kutxa munizipalak dorreak salbatu eta harriz-harri Miramonera eraman zituen 1979an.
Arbide dorreak aintzinako kokapenean. Argazkia: Kutxateka
Arbide dorreak aintzinako kokapenean. Argazkia: Kutxateka
Arbide dorreen desmuntaia. Argazkia: Kutxateka
Arbide dorreen desmuntaia. Argazkia: Kutxateka
Aranzadi zientzia elkarteak erabili zituen dorreak, Ondoren Euskal Herriko Unibertsitateak, eta gaur egun Kutxa fundazioak kudeatzen ditu.
Foru pasealekuaren izendapena 1891ko ekainaren 1ean onartu zen.
iruzkinik ez:
Argitaratu iruzkina