Auzoa: Gros
Iztueta kalea Euskadi plazan hasten da eta Zuhaizti plazan amaitzen da, kale laburrera ere sarrera duelarik.
Iztueta kaleak Ongintza (Beneficencia) izena zuen aurretik, miserikordia etxera zeramalako ziurrenik. Gertu dagoen Miserikordia kalearekin nahasten zenez, 1921an bizilagunek izena aldatzea eskatu zuten. Sustapen Batzordeak Ugartemendia izena ematea proposatu zuen.
Iztueta kalea zubibidea egin aurretik. Argazkia: Kutxateka https://www.kutxateka.eus/Detail/objects/183425/s/0
Ugartemendia arkitektoaren izena Parte Zaharrari lotuta zegoenez, Juan Ignazio Iztuetaren izena eman zioten kaleari. Joan Ignazio Iztueta Etxeberria idazle, folklorista eta historialaria 1767ko azaroaren 29an jaio zen Zaldibian.
Joan Ignazio Iztueta. Irudia: Wikimedia Commons
Hainbat bertso eta poesia mota ezberdin idatzi zituen: satirikoak, maitasunezkoak, erlijiosoak, politikoak... Gipuzkoako Dantza Gogoangarriak liburuan (1824) dantza herrikoien bilduma egin zuen. 1845eko abuztuaren 18an hil zen. Bere Gipuzkoako Probintziaren Historia 1847an argitaratu zuten.
Joan Ignazio Iztueta. Irudia: Wikimedia Commons
1936an Juan Matxinbarrenak trenbidearen gainetik pasatzen zen zubibidearen aurreproiektua aurkeztu zuen. Iztuetako zubibidea 1940ko hamarkadan inauguratu zuten Iztueta kaleko bizilagunen protesten artean, eta 2021an eraitsi zuten, trenbide azpitik doan bide berriari esker.
Matxinbarrenaren aurreproiektua. Irudia: Ancora
Desfile militarra 1942an. Iztuetako zubibidea obretan ikus daiteke.
Argazkia: Kutxateka https://www.kutxateka.eus/Detail/objects/108548/s/48
Iztuetako zubibidea 1945ean. Argazkia: Kutxateka https://www.kutxateka.eus/Detail/objects/441/s/204
Iztueta kalea gaur egun
Iztueta kalearen izendapena 1921ko apirilaren 13an onartu zen.
iruzkinik ez:
Argitaratu iruzkina