165. BELTRAN PAGOLA KALEA / CALLE DE BELTRAN PAGOLA

Auzoa: Intxaurrondo

 

Beltran Pagola kalea Juan Gorostidi plazaren ondoan hasten da. Baratzategi kalea zeharkatzen du eta Galizia pasealekuan amaitzen da, Maria Dolores Goia eta Donibane-Lohizune plazen artean.

Beltran Pagola Goya Donostian jaio zen 1878ko otsailaren 28an. Santesteban eta Tragórekin musika ikasketak burututa, 1898tik 1914ra Donostiako kasinoko pianojole izan zen. 1898tik aurrera ere Donostiako kontserbatorioko irakasle izan zen eta bertako orkestra sortu zuen.

Musika akademiako irakasleak, kontserbatorioaren aintzindaria, 1916an. Eskuinean, Beltran Pagola

Argazkia: Kutxateka https://www.kutxateka.eus/Detail/objects/184337/s/0

 

 

Musikagilea ere izan zen. Bereak dira Sinfonía vasca, orkestrarako; Humoradas vascas, piano eta orkestrarako; El monje organista, eta Sonata para piano. Armoniari buruzko liburu bat ere idatzi zuen. 1950ko uztailaren 8an hil zen Donostian.

Beltran Pagola. Argazkia: Eresbil - Musikaren Euskal Artxiboa

https://www.eresbil.eus/sites/fondos/es/a003-beltran-pagola/

Beltran Pagola kalearen izendapena 1993ko ekainaren 15ean onartu zen.

164. ALGARBE KALEA / CALLE DE ALGARBE

Auzoa: Intxaurrondo

Algarbe kalea Mons pasealekuaren amaieran dago, Ekuatore Ginea plazaren atzean. Zandardegi bidea bertan hasten da.

Algarbe oinetxearen lehen aipamena 1554koa da. Baserri hau eraitsi ondoren, 1921an Irene Txurrukak txalet bat eraiki zuen orube honetan, Lucas Aldai arkitektoak zuzenduta. Intxaurrondo kalearen 74 zenbakian dago.

Algarbe etxea. Argazkia: Altzapedia https://altza.eus/?p=25

Algarbe kalearen izendapena 1996ko otsailaren 19an onartu zen.

 

 

163. TXAPIÑENEA KALEA / CALLE DE TXAPIÑENEA

Auzoa: Altza

Txapiñenea kalea Larratxo pasealekuaren 81 zenbakiaren ondoan hasten da eta Altzako elizaren ondoan amaitzen da, Altza pasealekuaren hasieran.

Txapiñenea baserria 1620tik aipatzen da. Gaur egun desagertua, Altzako elizaren ondoan kokatzen zen. Etxebizitza bloke bat dago bertan gaur egun.

 

1975ko apirilaren 28an Txapinene bezala izendatu zen kale hau. Kalea Txapiñenea bezala izendatzea 2014ko urriaren 30ean onartu zen baina plaketan oraindik izen zaharra ageri da.

 

 

162. GOIZUETA KALEA / CALLE DE GOIZUETA

Auzoa: Martutene

 

Goizueta kalea Martutene pasealekuaren 50 zenbakiaren ondoan hasten da. U formako ibilbidea egiten du, Urumea ibaiaren ondotik pasaz eta Martutene pasealekuaren 80 zenbakiaren parean amaitzen da.

Goizueta Nafarroako udalerri bat da, Gipuzkoarekin muga egiten duena, Hernani, Errenteria, Oiartzun, Elduain eta Berastegirekin hain zuzen ere. 692 biztanle ditu, Urumea ibaia bertatik pasatzen da eta Donostiako udalaren jabetza duen Artikutza auzoa udalerri honetan dago.

Goizueta. Argazkia: Wikimedia Commons

https://commons.wikimedia.org/wiki/File:Goizueta._Euskal_Herria.JPG

 

Goizueta izena 1186tik ezagutzen da. Iruñeako katedraleko agirietan Goizuueta eta Goyzubieta bezala agertzen da. Izena bertako Zubi Handiak ematen dio herriari. Arano herria 1630 arte Goizuetaren parte izan zen.

 

Goizuetako zubia. Argazkia: Wikipedia

https://eu.wikipedia.org/wiki/Fitxategi:Goizuetako_zubia._Euskal_Herria.jpg

Erdi Arotik burdinola ugari zeuden Goizuetan. Burdina eta beste mineral batzuen meategiak ere bai, eta baita hiru errota. XX. mendean zentral elektrikoak ireki zituzten herrira eta inguruko enpresetara argindarra eramateko. Hernaniko errepidea 1885ean amaitu zuten eta Leitzakoa 1916an.

Meategia Goizuetan. Argazkia: Wikimedia Commons

https://commons.wikimedia.org/wiki/File:Meategia_goizueta.jpg

 

Goizueta kalearen izendapena 2004ko ekainaren 29an onartu zen.