40. CAMINO KALEA / CALLE DE CAMINO

Auzoa: Erdialdea

 

Camino kalea Santa Katalina kalean hasten da, Maria Cristina hotelaren ondoan, eta Idiakez kalean bukatzen da, Gipuzkoa plazaren ondoan.

 

 

 

Joaquín Antonio de Camino y Orella Donostian jaio zen 1754 aldera. Apaiz eta lege ikasketa ezberdinak burutu zituen bai Iruñean baita Zaragozan ere, eta Oñatiko Unibertsitatean zuzenbide kanonikoan doktore izendatu zuten. 1787an Oñatiko Unibertsitateko errektore izan zen.

 

 

Oñatiko Unibertsitatea. Argazkia: Wikimedia Commons

https://commons.wikimedia.org/wiki/File:O%C3%B1ate_-_Universidad_Sancti_Spiritus_8.jpg

 

 

Donostiako udal-agiritegia ustiatu zuen, hau konponduz eta eraberrituz, 1813an suntsitua. San Bartolome Errege-Monasterioko agiritegia ere aztertu zuen. Bere obra nagusia hau izan zen: Historia Civil, Diplomática, Eclesiástica, Antigua y Moderna de la Ciudad de San Sebastián.

 

Historia Civil, Diplomática, Eclesiástica, Antigua y Moderna de la Ciudad de San Sebastián. 1923ko argitarapena.

Argazkia: Goodreads.

 https://www.goodreads.com/book/show/10848007-historia-civil-diplom-tica-eclesi-stica-antigua-y-moderna-de-la-ciuda

 

 

Unibertsitateko irakasleekin izandako desadostasunengatik, Gipuzkoatik urrun bidali zuten eta Lugoko katedraleko kalonjea zela hil zen 1819ko irailean. Euskal Herriko Adiskideen elkarteak 1966an sortu zuen Donostiako Historia Institutoak bere izena darama.

 

Camino Liburutegiko Serapio Mugica aretoan dagoen tapiza.

Argazkia: https://www.kutxateka.eus/Libros/dr_camino_inst

 

 

Camino doktoreari kale bat eskeintzeko hitzarmena 1866ko irailak 9an hartu zuen udalak. 1916ko martxoak 8ko bilkuran onartu zen Camino kalearen izendapena.